Bárður roknar við, at samráðingarnar bera á mál

vinna10-09-2019 - 12:51 - Jóanis Nielsen

 Bárður á Steig Nielsen, hevur í dag verið hjá tingformanninum - Páll á Reynatúgvu - har hann boðaði tingformanninum frá, at hann roknar við at samráðingarnar um nýggja samgongu bera á mál.

Men enn er ikki liðugt, tað eru onkur mál, sum flokkarnir ikki hava funnið semju um, men Bárður á Steig Nielsen, segði við ÚF á middegi, at hann roknaði við, at flokkarnir funnu semju, um ikki so langa tíð - Bárður nevndi tímar ella møguliga dagar.