Bert ein fingið smittuna afturat

corona07-04-2020 - 10:35 - Jóanis Albert Nielsen

Tað eru nú í alt 184 føroyingar, ið hava fingið staðfest corona-smittuna. Hetta byggir á í alt 5035 kanningarúrslit.

Sostatt er ein persónur staðfestur smittaðir seinasta samdøgnið.

Tað upplýsir Landslæknaembætið í morgun, nú seinastu kanningarúrslitini eru tøk.

Í løtuni eru 120 føroyingar staðfestir frískir, eftir at hava fingið staðfest coronasmittuna. Tveir persónar eru innlagdir á Sjúkrahúsverki Føroya í sambandi við coronasmittuna.