P/f H-Dygd nýggjar eigarar

vinna07-11-2018 - 13:26 - Jóanis Nielsen
Eitt felag undir stovnan, sum P/f Framherji, P/f Varðin og P/f Kimbil eiga, hevur í dag keypt allan partapeningin í P/f H-Dygd.

P/f H-Dygd hevur sínar røtur heilt afturi í 1968, og hevur seinastu tíðina verið ein familjuátt fyritøka, sum er kend fyri at framleiða dygdarvindeygu og - hurðar til føroyska marknaðin, og hevur felagið eisini fótað sær uttanlands seinastu tíðina. Felagið fer framyvir at halda fram við verandi dygdar virksemi sínum í Vatnsoyrum og Miðvági. Ongar nevniliga broytingar vera í felagnum, og tey dunaligu starvsfólkinni hjá felagnum koma sostatt at halda fram í starvi sínum.

Fyritøkan er vaksin nógv seinastu árini og eru eisini stórar íløgur gjørdar í hesum sambandi, har serliga framkomna maskinparkin í Miðvági nú koyrur við fullari ferð. Tað hava undanfarnu eigarar samstundis hildið verið gott høvi at geva staffettini víðari.

Nýggju eigararnir boða frá, at nú, tá teir fingu møguleikan at keypa, hildu teir, at hetta var nakað, ið teir ikki kundu lata fara afturvið borðinum. Ætlanin er ikki at gera nakrar stórar broytingar í virksemi felagsins, sum sostatt framyvir eisini fer at framleiða dygdarvørur, sum eru framleiddar til okkara veðurlag, hóast kappingin frá útlendskum vindeygum og hurðum er hørð.