Mynd: Finnur Justinussen - Glasskapið, tallerkar og vatngløsini hevur Mikkalina Norðberg gjørt.

Prýðislist: Tilfeingi úr havinum - myndir

myndir11-09-2019 - 09:25 - Jóanis Nielsen

Ymisk prýði til ymisk høvi

Kundi tú hugsað tær at hildið eina veitslu, brúdleyp, móttøku, jólaborðhald, hugnakvøld fyri vinum, ferming, barnadóp v.m., ert tú vælkomin at seta teg í samband við meg, antin við at skriva til mín á boðklivanum ella at ringja á tlf. 592203, so vil eg skapa okkurt spennandi og øðrvísi prýði, so karmarnir vera í hásæti.

Eg eiti Tórunn Djurhuus Lassen, eri fødd og búsitandi í Tórshavn.

Havi altíð verið hugtikin av vøkru føroysku náttúruni, og hetta hevur havt við sær, at eg altíð havi spákað mær ein túr út í náttúruna við jøvnum millumbili.

Tað er nógvur ymiskur vøkstur bæði í haga og fjøru og náttúran gevur mær íblástur til mín áhuga innan borðprýði.

Tá tiltøk verða hildin av ymiskum slag, er tað eftir mínum tykki avgerandi fyri hugnan at sita við eitt borð, har nógv er gjørt burtur úr prýðing.

Við ymiskum tilfari, ið eg taki heim við mær úr náttúruni, royni eg soleiðis á henda hátt at seta saman ymisk, alt eftir hvat høvi er. Litir kunnu setast saman á mangar mátar, og fáast at endurspegla hendingar og vekja kenslur í fólki. At megna at skapa slíkar karmar við prýði, tá fólk koma saman, er eftir mínum tykki heilt avgerandi fyri stemningin.

Upphavið til hendan áhuga er m.a. sprottin úr vakra blómuhandlinum hjá Trónd Hansen á Áarvegnum, ið Kolbrún Wardum hevði í nógv ár. Havi gingið nógv inn á gólvið og fingið íblástur og góð ráð við á vegnum frá Kolbrún.

Annars havi eg á mínum ferðum í útlondum sæð nógv vakurt prýði, ið eg eisini havi goymt mær í minninum.

Tórunn