Mynd: Brandur í Dali

Strákur tók nógv á bóli

ítróttur28-04-2019 - 11:26 - Jóanis Albert Nielsen

FYRSTA UTTANDARAKAPPINGIN Í ÁR, VAR HILDIN UNDIR KRÁARHEYGGJI LEYGARDAGIN.

Veðrið var gott undir Kráarheyggji leygardagin, ikki tað, eitt vet av mjørka lá í dalinum, men ikki nakað sum órógvaði kappingina.

Reiðfólkini vóru sum vera man spent at koma í gongd, nú skuldi venjingin hendan veturin gjarna vísa seg aftur í úrslitum á breytini. Tað vóru eisini nógv flott ross at síggja og eisini nøkur væl gongd ross.

Serliga fall kanska Strákur hjá Regini Johannessen í eygað, hesin greðingurin teir sjálvur hava alt. hevur kappast fyrr, men hevur kanska ongantíð verið betri fyri enn beint nú.

Hetta gav eisini úrslit, Strákur vann fjórðgongsgreinina og gjørdist nummar trý í Tølt. Flott úrslit sum skuldi boða frá einum góðum kappingarárið hjá Stráki.

Fimmgongdina vann Knút Lútzen á Tórey, tey bæði vóru rættiliga sannførandi, men tá tey fingu eitt greitt sjey tal í skeið var eingin ivi um fyrstaplássið hjá teimum.

Aðrir vinnarir vóru í V5, Lív Heinesen á Háreka - T7 Ragnheiður á Huga - T2 Esther Dahl á Heyga á Vorboða - T1 Jacklin Durhuus á Hafdís.

Fleiri myndir eru at síggja í myndasavnið á hesu leinkju:

https://www.ridisamband.fo/myndasavn/topp-ross-uttandurakapping-1-2019