Tyrlan boðsend eftir einum dreingi ið leyp á sjógv frá 20 metrum

30-05-2020 - 20:01 - Jóanis Albert Nielsen
Klokkan 14:50 í dag fekk løgreglan eina fráboðan um, at ein drongur í 20'inum hevði fingið ilt í ryggin tá ið hann leyp í Elduvíksgjógv. Drongurin leyp frá 20 metra hædd.

Hann saman við øðrum vóru farnir at stuttleika sær við at loypa á sjógv í Elduvíksgjógv. Drongurin hevði fingið ilt í ryggin, og fingu vinmennirnir hála hann upp á turt, soleiðis at hann flutti seg minst møguligt.

Ein lækni var á staðnum, og hann helt at best var at fáa bjargingartyrluna eftir honum. Boð blivu send eftir bjargingartyrluni hjá Atlantic Airways, sum fór eftir honum. Klokkan 16 lendi tyrlan við Landssjúkrahúsið við dreinginum.