Føroyska liðið, ið byrjaði á vøllinum móti Finnlandi - Mynd: www.FSF.fo

U19-genturnar komu í finskt ódnarveður

ítróttur06-10-2019 - 21:45 - Jóanis Nielsen

Føroyska U19-landsliðið við gentum kom í rættuligt ódnarveður, tá tær seinnapartin leygardagin spældi móti Finnlandi. Úrslitið gjørdist 11-0 til Finnland.

- Hetta var ein ræðulig uppliving. Finsku genturnar vístu onga náði!

So greiður er venjarin, Pætur Clementsen, tá hann skal seta orð á EM-undankappingardystin hjá U19-landsliðnum við gentum, sum leygardagin tapti heili 11-0 fyri Finnlandi.

- Vit fingu eina rímiliga góða byrjan, og í hálvleikinum var “bara” 3-0 til Finnland. Men í seinna hálvleiki gekk heilt gali. Í einum tíðarskeið upp á 15 minuttir skoraðu finsku genturnar seks mál. Vit mugu bara staðfesta, at hetta var eitt rættuligt kollaps, sum kemur fyri av og á – tíbetur ikki so ofta longur – hjá føroyskum landsliðum.

- Nú skulu vit fáa hendan dystin úr kroppinum – og kanska serliga úr høvdinum – og síðani fyrireika okkum til dystin móti Litava, sum vónandi og væntandi verður eitt sindur javnari, sigur Pætur Clementsen, venjari, og leggur afturat, at tey annars hava tað gott í Vasaa í Finnlandi.

Seinasta umfar í EM-undankappingini verður spælt týsdagin. Mótstøðuliðið tá verður sum sagt Litava, sum í sínum fyrstu dystum hevur tapt 9-0 fyri Finnlandi og 5-0 fyri Kekkia