Vága kommuna søkir eftir námsfrøðingum

Lýsing02-07-2020 - 13:48 -

Søkt verður eftur 1 námsfrøðingi til Smílikulluna og Ungdómshúsið at byrja 17 august.

Eitt starv á 28 tímar um vikuna í Smílikulluni, starvið umfatar eisini vaktir í Ungdómshúsinum hvørt mánakvøld á 3 tímar og 1 leygarkvøld um mánaðin.

  • Broytingar í arbeiðistíðini kunnu tó henda

Vit ynskja av tær:

  • At tú ert við til at menna tað námsfrøðiliga arbeiðið á stovninum.
  • At tú ert opin fyri broytingum.
  • At tu hevur og vísir initiativ.
  • At tú hevur góð samstarvsevnir.
  • At tú megnar at arbeiða sjálvstøðugt, tekur ábyrgd og ert nærløgd/lagdur.
  • At tú hevur hug og áræði at skapa ein fjølbroyttan og tryggan gerandisdag, við virðing og umsorgan fyri tí einstaka barninum, foreldrum og starvsfeløgunum.

Smílikullan

Smílikulluni er eitt frítíðarskúla tilboð til børn í Vága kommunu fyri børn úr 1. og 2. flokki. Vit hava trý verkstøð: evningsverkstað, hondarbeiðsverkstað og ítróttarverkstað. Á verkstøðunum verður dentur lagdur á, at tað einstaka barnið fær loyvi til, at menna sínar førleikar.

Smílikullan liggur nær við fjøruna, sandin, viðalundina og fótbóltsvøllin. Hetta gevur okkum ríkar møguleikar til nógvar spennandi avbjóðingar til børn og starvsfólk.

Ungdómshúsið Loftið

Ungdómshúsið Loftið er til børnum og ungu í Vága kommunu. Ungdómshúsið er opið 3 kvøld um vikuna.

Mánakvøld kl 17 – 20

mikukvøld kl 19 – 22

leygarkvøld kl 19 - 24

Meir fæst at vita um starvið við at venda sær til leiðaran Hervør Heinesen tlf. 794540.

Um eingin námsfrøðingur søkir starvið, verður hjálparfólk sett ístaðin í eitt tíðaravmarka starv

Lønarviðurskifti

Lønin er sambært sáttmála millum Føroya Pedagogfelag og KAF.

Námsfrøðingurin fylgir lønarstigunum frá 11 til 22 og hjálparfólk fylgja lønarstigunum frá 2 til 8.

Arbeiðstíðin er vanliga millum kl. 09.00 og kl. 17.00 í smílikulluni

Umsókn saman við prógvum, royndum og viðmælum, skal sendast til

Vága Kommunu

Hammershaimbsvegurí 1

360 Sandavágur

Viðmerk á brævbjálvan: “Umsókn”.

Ella við teldupost til: vaga@vaga.fo

Umsóknin skal vera okkum í hendi seinasta lagið hósdagin tann 16.07.2020 kl. 1200.