Vallistin í Runavík klárur

politikkur01-09-2020 - 10:36 - Jóanis Nielsen

 Almenni listin í Runavíkar kommunu klárur

Uppstillingarfundur var í Bylgjuni í gjár. Longu væl áðrenn fundurin byrjaði streymaði til við fólki, og mundu gott 200 fólk verða savnað, tá saman um kom. Júst hetta var orsøkin til, at fyrireikarnir høvdu lagt fundin í ítróttarhøllini, so tilmælini um frástøðu kundu haldast.

Eftir at orðstýrarin við løgtingslóg um val til kommunur hevði lagt lunnar undir fundin, skutu fyrireikarnir tey valevnir upp, sum í dag umboða listan í býráðnum, og tóku við afturvalið. Eftir hetta stóð ikki á at fáa mannað listan, og tá fundurin var lokin stóðu 15 valevnir á listanum, og 25 stillarar høvdu skrivað undir vallistan.

Fyrireikarnir eru væl nøgdir, tí talan er um ein sterkan og spennandi lista. Nøkur nøvn ganga aftur, onnur hava áður bjóða seg fram í landspolitikki, meðan tað eisini eru heilt nýggj, spennandi og ágrýtin fólk í yngra endanum, sum bjóða seg fram hesaferð.

Listin er mannaður við hesum valevnum:

·       Elin Klein Joensen, smoltrøktari                              Oyndarfjørður

·       Heri Sigurd Lamhauge, kundaráðgevi                   Saltangará

·       Hilmar Sam Lamhauge, retail leiðari                      Glyvrar

·       Jastrid Weihe, námsfrøðingur                                   Runavík

·       John Andersen, sølumaður                                         Saltangará

·       Kaja Joensen, kundaráðgevi                                       Saltangará

·       Kristian Gaardbo, goymslumaður                            Runavík

·       Lasse Klein, roknskaparhaldari                                Saltangará

·       Rúni Jacobsen, skipari                                                  Saltangará

·       Sonni Lamhauge Petersen, Betri trygging                Rituvík

·       Sæunn Ólavsdóttir Hansen, læknafulltrúi                Saltangará

·       Terje Beinar Vestergaard, lærari                             Saltangará

·       Tórbjørn Jacobsen, borgarstjóri                               Glyvrar

·       Tóri Højgaard, løgfrøðingur                                       Rituvík

·       Vinjard Johansen, sølustjóri                                       Saltangará

Listin við stillarum verður í næstum sendur valnevndini til góðkenningar. Síðan verður farið undir at fyrireika nakrar valfundir, so veljarin lærir valevnini betur at kenna.

 

Fyrireikarnir