Vinna

Árni takkar fyri seg

Nú Árni Skaale er blivin landsstýrismaður hevur hann tikið seg úr stýrinum fyri grunnin - Mentanarhús Klaksvík.

2022-01-12 14:47 Author image
Jóanis Nielsen
placeholder

juni 2021 varð Árni Skaale valdur av Vinnulívsráðnum í Klaksvík at umboða seg í stýrinum fyri grunnin, Mentanarhús í Klaksvík.

Árni Skaale hevur verið ein virkin vinnulívamaður, uppfinnari, og umframt tað ein virkin skóti í langa tíð. Har afturat hevur hann nógvar góðar eginleikar og hevur verið kveikjandi fyri stýrið og lagt nógv gott afturat arbeiðnum hjá stýrinum, sum m.a. stendur fyri byggingini av mentanarhúsinum í Klaksvík.

Nú hann gjørdist landsstýrismaður í fiskivinnumálum, mátti hann leggja allar nevndarsessir frá sær – eisini sum stýrislimur í stýrinum fyri grunnin, Mentanarhús í Klaksvík.

So á stýrisfundi í gjár takkaði Árni fyri seg, og Jóhanna C. Christiansen, forkvinna handaði honum blómutyssi og bókina, Herkin Herðindi hjá Arnstein Niclasen – hetta sum tøkk fyri virðismikið arbeiði í stýrinum. Hann fekk eisini við sær góð ynski um góða eydnu í nýggja starvinum sum landstýrismaður í fiskivinnumálum.

Í stýrinum sita Jóhanna Christiansen, Karl H. Johansen, Jógvan Skorheim – tey umboða býráðið, Heri Ellingsgaard vegna Norðoya Listafelag, Louis Poulsen vegna Klaksvíkar Sjónleikarafelag, Gunn Hernes vegna Norðurlandahúsið og so Árni Skaale vegna Vinnulívsráðið í Klaksvík, sum nú er farin úr stýrinum.

Vinnulívsráðið velur annan lim at umboða seg í stýrinum í næstum.

Vinarliga broyt tínar kennifíla - og privatlívsstillingar fyri at síggja hetta innihald

placeholder