Avgerandi oddabrak mikumorgunin

Føroyar eru nú næstfremstar av teimum tíggju liðunum. Kýprós er eitt stig fremri. Og í sætta umfari mikumorgunin bresta oddaliðini Kýprós og Føroyar saman.

1. GM Helgi Dam Ziska (2543) - Danilo Volpinari (1955) 1 - 0

2. Luitjen A. Apol (2288) - Ezio Righi (1884) 1 - 0

3. Jón í Horni Nielsen (2084) - Mirko Leardini (1833) 1 - 0

4. Elias Petersen (2004) - Giancarlo Berardi (1783) 1 - 0

Tað tók sína tíð, áðrenn allir vóru lidnir, men tíbetur lukkaðist at fáa fyrsta 4-0 sigurin til høldar.

Sigurðsrøðin hjá Kýprós stendur við. Í fimta umfari koppaðu teir Liktinstein, sum var fyri sínum fyrsta ósigri. Annar lykladystur var millum Monako og Luksemburg, og her vann Luksemburg tepurt.

Vertstjóðin Kýprós er framvegis á odda, men Føroyar og Andorra eru beint í hølunum á teimum. Vit eru í løtuni stavnin undan Andorra við hálvum stigi meira í borðstigum. Kappingin er ógvuliga hørð millum fremstu fimm liðini.

Føroyar - San Marino 4 - 0

Kýprós - Liktinstein 3 - 1

Monako - Luksemburg 1½ - 2½

Malta - Andorra 1½ - 2½

Guernsey - Jersey 2 - 2

1. Kýprós  9 dystarstig (15½ borðstig)

2. Føroyar 8 (15)

3. Andorra 8 (14½)

4. Luksemburg 7 (14)

5. Liktinstein 7 (10½)

6. Monako 5 (10)

7. Malta 2 (8)

8. Jersey 2 (6)

9. San Marino 1 (3½)

10. Guernsey 1 (3)

Mikudagurin verður ógvuliga avgerandi. Tvey umfør skulu telvast. Føroyar hava oddaliðið Kýprós í morgundystinum. Seinnapartin møta vit Liktinstein, sum eisini hevur staðið seg væl.

Føroyar manna seg við Helga Dam Ziska, Høgna Egilstoft Nielsen, Luitjen Akselsson Apol og Jón í Horni Nielsen móti ósigraða Kýprós. Vit hava hægri styrkitøl á øllum borðum, og áttu tí at kunnað vunnið dystin. Men heimaliðið er flúgvandi, og hevur tikið øll á bóli.

Kýprós - Føroyar

Andorra - Monako

Liktinstein - Luksemburg

Jersey - Malta

San Marino - Guernsey

Føroyar - Liktinstein

Luksemburg - Andorra

Guernsey - Kýprós

Malta - San Marino

Monako - Jersey

Til ber at fylgja við leik fyri leik úr Larnaca. Heimasíðan Lichess.org stroymir allar dystirnar. Kappingin nevnist 9^th ESNA Chess Championship 2025.