Ísflaki á Fljótavík í Íslandi

 MBL.IS skrivar, at hesin ísflakin, sum sæst á myndini er strandaður á Fljótavík, sum er í útnyðringshorninum á Íslandi, heilt norður ímóti Norðurpólkringinum.

Sagt verður, at fleiri ísflakar eru sæddir eystur og í ein útnyðring úr Hornbjargsvita. Tað eru tyrlur, sum hava verið á kanningarferð á Vestfirði og Húnaflógva, sum hava boðað frá ísflakunum.