BÓKAFRAMLØGA ÚTI Á GJÓGV

Mikudagin 16. aug. kl.17 kemur hetlendingurin og føroyavinurin John Goodlad, saman við Jóan Paula Joensen, at hava bókaframløgu í Pakkirúminum Úti á Gjógv, um sína nýggju bók, sum hevur heitið The Salt Roads - How fish made a culture.

Evnið er fiskivinnusøga, og verða Føroyar nógv umrøddar í útgávuni. Goodlad leggur seg eftir at lýsa, hvussu saltaður fiskur – tvs. klippfiskur og saltsild - bleiv ein týðandi partur av kostinum í Evropa.

Bókaframløgan er skipað sum samrøða við høvundin. Eisini verður møguleiki at keypa bókina hjá Goodlad og fáa hana signeraða.

Ókeypis atgongd og Fiskastykkið bjóðar kaffi og te.