Fleiri skip landa til Pelagos

Tíðliga í morgun kom Høgaberg á Fuglafjørð við 170 tonsum av makreli. Høgaberg er nú farin avstað aftur.

Í løtuni landar Vesturbúgvin til Pelagos. Vesturbúgvin hevur 55 tons av makreli.

Jupiter er eisini á Fuglafirði, og sleppir framat tá ið Vesturbúgvin er liðugur. Jupiter hevur 85 tons av makreli.

Norðingur og Borgarin hava í kvøld sett kós ímóti Føroyum. Norðingur hevur 142 tons av makreli, og Borgarin hevur 136 tons av makreli.

Øll skipini hava roynt í norskum sjógvi.