Kjak á Vinnudegnum: Frá Vakstrarforum til veruleika

Arbeiðið í Vakstrarforum varð lagt fram í juni í ár, og kjakið á Vinnudegnum tekur støði í tilmælum úr Vakstrarforum á trimum økjum.

      1. Útbúgving og førleikar

      2. Burðardygd

      3. Deplar

Í sambandi við Vakstrarforum vóru arbeiðsbólkar settir at viðgera burðadyggar vakstrarmøguleikar á seks ymiskum økjum. Úrslitið av hesum vóru 164 ítøkilig tilmæli til politisku skipanina at seta í verk.

Spurningurin, ið eftir stendur, er, hvat ger politiska skipanin so við tað?

Á Vinnudegnum 30. september taka vit málið til viðgerðar í Norðurlandahúsinum, har vit taka fepurin í politisku flokkunum fyri breiðum semjum, tá ið tað snýr seg um at fremja og arbeiða fyri at seta í verk tilmæli úr Vakstrarforum.

Tað verða umboð úr politisku flokkunum, sum luttaka í kjakinum. Orðstýrari verður Brynhild Thomsen.