Myndir: Seta fyrsta skiparaskúla í Føroyum í upprunastand

Dánjal Joensen úr Porkeri kom til Sandavágs í 1823. Hann førdi og átti skip, og keypti í 1823 lut av løgmansgarðinum og búsettist í bygdini. Á eldri árum fór Suðuroyar-Dánjal at undirvísa føroyingum í siglingarfrøði og eftir ein vetur í Sandavági fingu menn “Skiparapantent” útskriva frá fútanum. Av hesi orsøk, at menn fingu pappír eftir undirvísing í Steigartúni gjørdi hetta til fyrsta skiparaskúla í Føroyum.

Snimma í morgun hittust eldhugaðir menn í Steigartúni. Fyrst til morgunkaffi og síðan til arbeiðs. Arbeiðslistin var langur, men teir fingu bilbugt við tí mesta og nú fer at líkjast rundan um fyrsta skiparaskúla í Føroyum. Myndirnar tala fyri seg.

Eyðun Myllá í holt við eina hurð ímillum húsini.

Vit fara eisini at takka Erhardi Dam fyri at sponsorerað kranabilin til dagin, hann gjørdi allan munin í sambandi við niðurdotna hjallin, sum fórst í storminum tann 24. november 2024. Ætlanin er at fáa hjallin gjørdan í stand aftur, tað uppgávuna hevur Emil Hentze átikið sær.

Hjallurin fórst í storminum tann 24. november 2024. Ætlanin er at fáa hjallin gjørdan í stand aftur, tað uppgávuna hevur Emil Hentze átikið sær.