Ternan gav Fleyr skarpan gang í Havn

Undan dystinum í dag hevði Ternan bara vunnið eittans sett í kappingini, og tað er eisini støðan eftir dystin ímóti Fleyr í dag, men tað var við bit og slit, at havnarmenn vunnu á toftamonnum í dag.

Ternan var aftanfyri við sjey stigum miðskeiðis í fyrsta setti, men kom afturíaftur og javnaði til 22-22. Fleyr spældi seg síðani til tveir settbóltar og tók av tí seinna og vann settið 25-23.

Uppaftur betur gekst hjá Ternuni í øðrum setti, har Ternan legði seg á odda 19-15, men við fimm bóltum á rað fór Fleyr framum 20-19 og síðani 23-21, áðrenn settið varð vunnið 25-22.

Triðja sett minti um tað undanfarna, og aftur fóru gestirnir framum 6-2 og 11-6, men við seks stigum á rað tók Fleyr Ternuna aftur og fór framum 12-11 og síðani 21-16. Ternan gav tó ikki skarvin yvir, og brátt var javnleikur 21-21. Síðani 22-22 og 23-23, tá Fleyr vann teir báðar næstu bóltarnar og settið 25-23.