Ítróttur

Atlantic Airways og Flogbóltsamband Føroya leingja samstarvið

-

Flogbóltsamband

Flogbóltsamband

2022-01-07 11:03 Author image
Jóanis Albert Nielsen
placeholder


Atlantic Airways og Flogbóltsamband Føroya hava í dag undirskrivað sáttmála, har sponsoravtalan verður longd.


Atlantic Airways hevur í nøkur ár stuðla landsliðsarbeiðinum hjá Flogbóltsambandinum og hetta heldur nú áfram. Árni Olsen, sølu- og marknaðarleiðari á Atlantic Airways og Peter Holm, formaður í FBF undirkrivaðu í dag eina avtalu um, at samstarvið heldur áfram.


Flogbóltsamband Føroya hevur lagt ambitiøsar ætlanir fyri landsliðini og fara A- og U-landsliðini frá 2022 at luttaka í teimum stóru CEV EuroVolley kvalifikatiónskappinunum umframt norðuratlantisku NEVZA kappinginum.


CEV kappingarnar eru eitt munandi stig uppeftir fyri flogbóltin í Føroyum, og tí eru vit í FBF sera glað um hetta samstarvið, tí tað er ein fortreyt fyri, at ambitiøsu ætlanirnar fara at bera á mál, sigur Peter Holm, formaður í FBF.

Vinarliga broyt tínar kennifíla - og privatlívsstillingar fyri at síggja hetta innihald

placeholder