Høgaberg hevur fiskað svartkjaft í ES-sjógvi

 Høgaberg, sum hendan túrin hevur fiskað í ES-sjógvi einar 60 fjórðingar suður úr føroyska markinum, kom á Fuglafjørð um 4-tíðina í nátt við 2.000 tonsum av svartkjafti.

Vit á JN.fo tosaðu umborð seint í gjárkvøldið, teir vóru tá staddir tætt suður úr Munkafles, teir søgdu, at fiskiskapurin var hampuligur í ES-sjógvi, har vóru nøkur skip, bretsk og donsk.

Høgaberg sleppir at landa leygardagin, í løtuni landar Christian í Grótinum, so skal Hoyvík landa og so Jupiter áðrenn Høgaberg eigur tørn.