Kyndil og Neistin hava spælt seg í hálvfinaluna

Í gjár var fult umfar í Faxe-kondi steypakappingini hjá monnum.

Í bólki 2 er greitt hvør kemur víðari í hálvfinaluna. Bæði Kyndil og Neistin hava vunnni báðar sínar dystir, og hava harvið spælt seg víðari. Tey eru í bólki saman við StÍF og Team Klaksvík. Sunnudagin spæla Kyndil og Neistin tann avgerðandi dystin um 1. plássið.

Í hinum bólkinum hjá monnum er einki avgjørt enn.

H71 er nummar eitt við fýra stigum. KÍF og VÍF hava bæði tvey stig, meðan Kyndil 2 einki stig hevur fingið.

Leygardagin spælir KÍF ímóti Kyndil 2. Og sunnudagin tekur H71 ímóti VÍF. So einki verður avgjørt í bólki 1 hvør kemur víðari í hálvfinaluna fyrr enn í vikuskiftinum.