Brimil, Ziska og Tjaldrið hava havt uppgávur seinastu dagarnar

Tíðliga seinnapartin fríggjadagin fekk ein útróðrarbátur trupuleikar á Norðhavinum. Boð blivu send eftir Brimli, sum sleipaði bátin til lands. Uppgávan tók 4 tímar og 30 minuttir.

Seint seinnapartin fríggjadagin fekk MRCC støðin aftur eina fráboðan frá einum útróðrarbáti, sum hevði brúk fyri hjálp. Báturin var staddur eystanfyri, og sleipaði Ziska bátin til lands. Uppgávan tók 3 tímar og 30 minuttir.

Tíðliga leygarmorgunin fekk aftur ein útróðrarbátur trupuleikar á Norðhavinum. Tjaldrið sleipaði bátin til Eiðis, uppgávan tók 2 tímar og 30 minuttiir.