Brúk fyri Tjaldrinum, Sverra og Vón

Klokkan 02:20 fekk MRCC støðin eina fráboðan um, at eitt línuskip ynskti eitt sleip til Havnar. Línuskipið var tá statt vestur úr Mykinesi. Uppgávan tók 15,5 tímar.

Klokkan 10:07 fekk MRCC støðin aftur eina fráboðan, ein bátur á nátaveiðu norðanfyri boðaði frá maskinbreki og ynskti sleip. Boð blivu send eftir Rescue Vón at sleipa bátin til Eiðis. Báturin var staddur norður úr Mýlingi. Uppgávna tók 2 tímar og 15 minuttir.

Klokkan 16:51 komu aftur eini boð til MRCC um at ein bátur vestur úr Sandoynni var uppsteðgaður. Boð blivu send eftir Rescue Sverra, sum sleipaði bátin til Miðvágs. Uppgávan tók 3 tímar og 41 minuttir.