Politikkur

Hugnaligt hátíðarhald á Listasavninum á Sandi

Í góðveðrinum sunnudagin var hátíðarhald á Listasavninum á Sandi, sum í ár fyllir 20 ár. Sofus Olsen, sum var ættaður av Sandi, gav í 2006 sandoyingum nýbygt listasavn og stóru listasamling sína í gávu.

2026-06-16 07:30

Jóanis Albert Nielsen

Á hugnaliga hátíðarhaldinum greiddu Ólavur Jøkladal, Nils Ohrt og Niels Uni Dam frá bæði listini og manninum handan stórfingnu gávuna.

Eisini framførdu Heiðrun Petersen og Ragnar Olsen tónleikaverk, og Oddfríður M. Rasmussen las brot úr úrvalssavni sínum.

Bárður á Lakjuni, landsstýrismaður í mentamálum, helt røðu. Hann segði millum annað:

Sofus ynskti, at listasamlingin, sum hann og konan Gunnhild høvdu savnað gjøgnum eitt langt lív, skuldi vera verandi á føroyskum hondum og vera atkomilig hjá okkum øllum.

Við gávuni tryggjaði Sofus, at listaverk, sum annars kundu verið farin hvør í sína ætt, í staðin vórðu savnað og varðveitt heima á Sandi.

Við at geva listasamling sína sum gávu og byggja listasavn á Sandi, skapti hann ein felags arv.

Hetta er at byggja land.

Øll røðan kann lesast her.

Vinarliga broyt tínar kennifíla - og privatlívsstillingar fyri at síggja hetta innihald