07 Vestur leitar eftir høvuðsungdómsvenjara

07 Vestur er eitt felag við fokus á persónligari menning og samanhaldi og brennur fyri at geva børnunum í Vágum góðar fortreytir fyri at eydnast sum fótbóltsleikarar, har øll trívast.

Felagið hevur ein málsetning um at økja um limatalið og vit leggja stóran dent á at tað skal verða pláss at øll fáa møgulleika at mennast fótbóltssliga og sosialt, við fokus á felagsanda, trivna og samanhaldi. 

07 Vestur hevur verið, og er framvegis, eitt undangongufelag, tá talan er um menning av børnum og ungum og hava nú í skjótt 11 ár havt fultíðarsettar høvuðsungdómsvenjarar.

Persónurin vit leita eftir fær eitt gott fundament at byggja víðari á og fær høvi til at seta sítt fingramerkið á hvussu menningin av ungum leikarum í Vágum skal skipast frameftir. 

Vit kunnu bjóða:

• Eitt spennandi starv, við møguleika fyri menning – fakliga og persónliga
• Góðar umstøður í einum góðum felagsskapi
• Lið, venjarar og ungdómsdeild sum eru klár at arbeiða saman við tær

Uppgávan hjá høvuðsungdómsvenjaranum er at skipa fyri venjingum, leggja lag á hjá venjarum og samskipa ungdómsarbeiðið.

Sum høvuðsungdómsvenjari kemur tú at arbeiða tætt saman við ungdómsnevndini og ungdómsvenjarum.

Arbeiðsuppgávurnar fevna m.a um:

• Planleggja og hava venjingar
  • Ársætlan og lærutilfar
  • Implementering av lærutilfari
  • Uppfylging á vøllinum
• Samstarva/samskifta við hjálparvenjarar, foreldur og ungdómsnevnd
  • Venjarafundir, leikara- og foreldrasamrøður v.m
• Menna leikarar tekniskt, taktiskt og sosialt
• Eggja og stimbra framhaldandi menning av ungdómsvenjarum
• Hjálpa við tiltøkum, m.a.
  • Fótbóltsskúla
  • 07 Vesturdegi
  • Uttanlandaferðir 

Vit vænta, at tú:

• Ert arbeiðssamur
• Hevur B-venjaraprógv
• Hevur royndir sum venjari við børnum og ungum
• Koyrikort og bil
• Dugir væl at skipa egið arbeiði og kanst arbeiða sjálvtøðugt
• Dugir at samstarva, ert fyrikomandi og hevur góðan hugburð

Setanar-og lønarviðskifti:

Talan er um fulltíðarstarv við fastari løn. Starvsstaðurin er í Sørvági og Sandavági.

Meira at vita:

Meira fæst at vita um starvið við at venda sær til forkvinnuna í Ungdómsnevndini Jónu Jacobsen, á telefon 590707 ella telduposti: [email protected]

Umsókn:

Umsókn við lívsrensli og viðkomandi prógvum skal sendast til: [email protected]

Vit gleða okkum at hoyra frá tær!