Frá Vága Pensjónistafelag og Eldraráðnum

Nýggja nevndin hevur skipað seg soleiðis:

Thurid Olsen, forkvinna og skrivari,

Rósa Samuelsen, næstforkvinna,

Sigrun Nattestad, kassameistari.

Hinir nevndarlimirnir eru:

Finnbogi Niclasen, Michael Gram,  Anna Sofía Nordendal og Eybritt Svabo.

Eykalimirnir eru:

Anny Poulsen, Sigga Johannesen og Emmy Joensen.

Sum vit hava greitt frá áður, so er nevndin í Pensjónistafelagnum og Eldararáðnum í Vágum tann sama.

Í samband við Undurfagra mai bjóða Pensjónistafelagið og Eldraráðið, saman við Vága Kommunu, morgunmat í Bygdarhúsinum í Miðvági mikumorgunin 20. mai kl. 10 til 12.

Øll eldri eru hjartaliga vælkomin.

Á skránni verður morgunmatur, felagssangur v/Húsorkestrinum á Sýnini, fyrilestur v/Kitty May Ellefsen og framførsla við Bárði Persson og Rógva Dam.

Seinast, vit høvdu Undurfagra mai, hevði Pensjónistafelagið stórt maibingo. Soleiðis verður aftur í ár.

Mánakvøldið 18. mai kl. 19 hava vit gott bingo í Bygdarhúsinuim. Vit hava betri vinningar enn vanligt, 15 vinningar á lutaseðilinum, m.a. gávukort frá Atlantsflog á 2000kr, lamb í heyst og garvað skinn. Nærri lýsing á Bingobólkinum á facebook. 

Pensjónistafelagið