U16-kvinnur: So bragdaði

U16-kvinnurnar spældu sín besta dyst higartil í European Open og vunnu í sonnum gysara, har Føroyar vóru aftanfyri so at siga allan dystin. Sigrið Hansdóttir skoraðu tó seinasta málið uppá brotskast til 21-20 beint fyri leiklok, eftir at Georgia var á odda 10-8 í hálvleikinum.

Føroyar byrjaðu dystin væl og sýntist spælið tryggari og meira samanhangandi í mun til dystirnar í gjár. Georgia hevði eisini dygdargóðar leikarar, har tað serliga var nr. 19 Nina Mushkudiani, sum var vanamikil og gjørdi 6 av teimum 10 málunum hjá Georgia í fyrra hálvleiki. Liðini fylgdust fyrsta korterið, men vóru okkara óhepnar við skotunum seinastu 5 minuttirnar fyri steðgin, og fór Georgia til hálvleiks við teprari 10-8 leiðslu.

Var Nina Mushkudiani ráðandi í fyrra hálvleiki, so var tað okkara Sigrið Hansdóttir, sum var stórspælandi í seinna hálvleiki. Ferð eftir ferð breyt hon ígjøgnum ella spældi hon hinar upp. Føroyar vardu nú 5-1 og órógvaði hetta eisini Georgiska spælið meira. Føroyar fingu betri og betri tak á dystinum dystinum, men var tað ikki fyrr enn Sigrið Hansdóttir setti brotskast í málið 20 sekundi fyri leiklok, at Føroyar vunnu leiðsluna aftur, 21-20, sum eisini gjørdist úrslitið av dystinum.

Føroyar møta Spania seinni í dag, kl. 19.30. Dysturin kann stroymast á ehftv.com.

Dystargongdin Føroyar – Georgia:

5 min. 2-3

10 min. 5-4

15 min. 7-8

20 min. 8-10

25 min. 11-12

30 min. 14-15

35 min. 17-18

40 min. 21-20

Málskjúttar hjá Føroyum:

Sigrið Hansdóttir 10 (3)

Fía Nolsøe 3

Andrea Heinadóttir 3

Gyða Beata Djónadóttir 2

Aibritt á Plógv Hansen 1

Hervør Hansen 1

Sunfríða Fonsdal Zachariasen