Maður doyði á haruveiðu - stór leiting hevur verið í nátt

Stór leiting var sett í gongd. Bjargingartyrlan hjá Atlantic, rescue Lív, dronan hjá bjargingarfelagnum í Havn, og hundar hjá løgregluni saman við staðkendum fólkum vóru við í leitingini.

Klokkan 03:30 funnu hundarnir hjá løgregluni saman við teimum staðkendu fólkunum mannin. Bjargingartyrlan flutti mannin á Landssjúkrahúsið, har hann var staðfestur deyður.

Løgreglan fer nú at kanna umstøðurnar, tey vita ikki hvat er hent. Maðurin var farin einsamallur at skjóta harur. Talan var um ein staðkendan mann.

Løgreglan vil takka teimum staðkendu, sum vóru við í leitingini.