Norðborg landar í Ánunum í kvøld

Norðborg kemur á Fuglafjørð á middegi, har teir skulu bunkra og pumpa lýsi í tangarnar hjá Havsbrún.

Kl. 6 í kvøld skulu teir landa í Ánunum, Norðborg hevur fulla last, helmingurin av veiðuni er heilfryst og hin helmingurin eru sildafløk.

Teir hava verið til fiskiskap í íslendskum sjógvi í 12 dagar, hava roynt tætt vestur úr føroyska markinum.

Tað eru 28 mans við hendan túrin, skipari er Jóhan Isaksen.