Samskip Hoffell fekk maskinbrek í ein útsynning úr Suðuroynni

101 metra langa farmaskipið Samskip Hoffell fekk náttina til fríggjadag maskinbrek í ein útsynning úr Suðuroynni.

Á heimasíðuni hjá MRCC sæst, at hesi vóru við í hjálparveitingini - Brimil, Finnur Fríði, Faroe Agency, Vørn, Mest, Samson, Anna og Mrcc Tórshavn.

Brimil kom til farmaskipið klokkan 17 seinnapartin fríggjadag, og byrjaði at sleipað Samskip Hoffell. 

Um middagsleitið í dag kom Brimil á Runavík við Samskip Hoffell. Við Eystnes komu hjálparbátarnir Samson og Anna, Brmili til hjálpar at fáa farmaskipið trygt inn.