Sjóvinnu- og Mentunarhúsið í Sørvági hevur fingið navnið “Messan”

Nevndin valdi einmælt navnið Messan til nýggja húsið.

Navnakappingina vann ungi miðvingurin, Ian Nolsøe Joensen.

Grundgevingin til navnið er:

• Sørvágur er gomul fiskivinnubygd.
• Orðið er gamalt, sum vit binda at sjónum og sjólívi.
• Messuprát har mannskapið hittist til prát og at skaffa.
• Í messuni er lív í. Har verða søgur sagdar og sangir sungnir.
• Messan samlar alla manningina. Høg sum lág.
• Orðið er lætt at benda.
• Hugsi um lýsingar til tiltøk í húsinum.
• Ung kenna ofta ikki til gomlu hugtøkini og orðini. 
• Navnið MESSAN er við til at varðveita orðið millum manna.
• Húsið skal samla Vágar og Føroyar til tiltøk til álvara og gaman.
• VIT SAMLAST Í MESSUNI.

Nevndin takkar Iani fyri beinrakna navnið og grundgevingina. Somuleiðis takk til tykkum øll fyri hini uppskotini.

Vinningurin er ein málningur eftir Pól Skarðenni. Á myndini sæst Pól handa Iani Nolsøe Joensen málningin. Ian valdi myndaevnið: Jesus saman við mannafjøldini.

Tað bleiv eisini trekt lut ímillum øll 126 innkomnu uppskotini, um 5 gávukort frá Vága Kajak:

Vinnarnir her vóru:

Dánial Jacobsen

Eyðun Lamhauge

Páll Poulsen

Jón Johansen

Mourits Mohr Joensen

Við bestu kvøðum.

MESSAN
Sjóvinnusavn og mentanarhús í Vágum