Várfólk í Listastovuni leygarkvøldið

Tað er Fólkatónleikarafelagið, sum skipar fyri Várfólk, ið savnar tónleikarar og áhoyrarar kring tónleik, felagsskap og hugna.

Kvøldið byrjar við ungu og lokalu dreingjunum í Grótbrotið, sum leggja fyri. Síðani verður tað The Crowberry Band við Janusi á Húsagarði og bólki, Jórunn Gudmundsen við bólki og at enda Shamrock við Henrik Børgesen og bólki, sum fara at framføra.

Við á skránni eru bæði ung og roynd tónleikanøvn, og kvøldið verður ein góð blanding av nýggjum røddum og sterkum traditiónum innan fólkatónleik.

Várið er í nánd, og Várfólk er eitt upplagt høvi at savnast – lurta eftir góðum tónleiki, hitta fólk og njóta eitt hugnaligt kvøld í Listastovuni.