Hiddenfjord
Vit leita eftir einum dugnaligum og framfýsnum starvsfólki til okkara góðskudeild á góðskingarvirkinum. Talan er um fulla tíð, og roknast skal við skeivum arbeiðstíðum. Tú fert at arbeiða tætt saman við starvsfólkum á góðskudeildini og øðrum á virkinum.
Arbeiðsuppgávur
- Reinføriseftirlit
- Taka sýni í framleiðsluni
- Góðskukanningar og skrásetingar
- Aðrar uppgávur
Førleikakrøv
- Áhuga fyri og innlit í góðskuarbeiði.
- Viðkomandi arbeiðsroyndir eru ein fyrimunur
- Ert væl skipað/ur og megnar at arbeiða sjálvstøðugt og í toymi
- Ágrýtin, álítandi og arbeiðssom/samur
- Kennir til vanlig telduforrit
Løn og setanarviðurskiftir
Løn og setanarviðurskifti verða sambart avtalu við arbeiðsgevara. Starvið er ætlað at verða sett sum skjótast ella eftir neyvari avtalu.
Umsókn
Allar umsóknir verða viðgjørdar í trúnaði. Meira fæst at vita um starvið við at venda sær til Lailu Jacobsen, góðskuleiðara, tel +298 288985 ella teldupost til [email protected].
Umsóknarfreist er fríggjadagin, 17. juni 2026.
Umsókn við CV, prógvum, viðmælum og øðrum viðkomandi skjølum verður send [email protected].
Um Hiddenfjord
Hiddenfjord er serføroyskt felag, sum elur laks í Føroyum. Felagið hevur verið í stórari menning í mong ár og hevur í løtuni umleið 250 starvsfólk. Fyritøkan hevur smoltstøð, aling, góðskingarvirki og søludeild. Á góðskudeildini arbeiða sjey fólk, trý teirra eru góðskufólk. Hiddenfjord leggur stóran dent á at virka í samljóði við náttúruna.
Vinarliga broyt tínar kennifíla - og privatlívsstillingar fyri at síggja hetta innihald