Talv: Spenningur um FM-heitið

Sjeynda umfar var telvað 5. februar. Her vunnu sandavágsmenn ruddiliga á øðrum liði hjá Havnini. Bara Sjúrður Thorsteinsson á 1. borði hjá havnarliðnum, sum hevur verið ógvuliga lítið við í vetur, stóð mótstøðumanninum kurl.

Føroyameistararnir knógvaðu við bit og slit javnt sterka B-liðnum hjá klaksvíkingum. Stórmeistarin var ikki við á havnarliðnum henda dagin, kortini vóru havnarmenn greiðir favorittar við væl hægri styrkitali á hvørjum borði. Men hvussu var og ikki, so endaði javnt á trimum borðum; bara Olaf Berg vann, soleiðis at dysturin endaði 2½-1½ til FM-liðið.

Í triðja dystinum gjørdi Klaksvík A bart móti uppflytarunum úr Kollafirði, og vunnu á øllum borðum.

Í áttanda umfari sunnudagin fingu sandavágsmenn veruliga mótstøðu móti A-liðnum hjá klaksvíkingum. Tað endaði javnt á trimum borðum, men á øðrum borði vann føroyameistarin Høgni Egilstoft Nielsen og tryggjaði vágamonnum sigurin í dystinum. Hetta var áttandi sigurin hjá Høgna á rað í landskappingini. hann hevur sum tann einasti fult stigatal í 1. deild.

Havnarmenn gjørdu sína skyldu móti botnliðnum, og vunnu 4-0. Men her var ein sensasjón í umbúna. Hin ungi Árant Djurhuus telvaði sum ein brandur, og hevði at síggja til stórmeistaran Helga Dam Ziska á knøunum, men fjálturin hevur mestur ørkymlað kollfirðingin so mikið, at hann misti tráðin. Helgi loftaði sær kringur í sperdari støðu, og var mentur at venda hóttandi tapi til sigurs á næstan gátuføran hátt.

Í triðja dystinum vann B-liðið hjá Klaksvík á B-liðnum hjá Havnini. Á 4. borði vann hin blaðungi Rógvi Olsen við einans 1400 í styrkitali. Rógvi er sonur fyrrverandi  fleirfalda føroyameistaran úr Klaksvíkar Talvfelag, Heini Olsen, sáli.

8. umfar - 1. deild

8. Umfar tann 2023/02/26 kl. 14:00
Bo.	6	Sandavágs Talvfelag 1	Rtg	-	2	Klaksvíkar Talvfelag 1	Rtg	2½:1½	PGN
1.1	FM	Egilstoft Rogvi	2274	-		Simonsen Olavur	2189	½ - ½	PGN
1.2	FM	Nielsen Hogni Egilstoft	2394	-		Petersen Terji	2043	1 - 0	PGN
1.3		Nielsen Torkil	2091	-		Olsen Wille	2011	½ - ½	PGN
1.4		Nielsen Jon I Horni	2023	-		Gregersen Hedin	1908	½ - ½	PGN
Bo.	1	Kollafjarðar Talvfelag 1	Rtg	-	3	Havnar Telvingarfelag 1	Rtg	0 : 4	PGN
2.1		Djurhuus Arant	1791	-	GM	Ziska Helgi Dam	2543	0 - 1	PGN
2.2		Thomsen Bernhard	1988	-	FM	Poulsen Martin	2311	0 - 1	PGN
2.3		Joensen Hanus	1773	-	FM	Berg Olaf	2204	0 - 1	PGN
2.4		Jacobsen Eivind	1699	-	FM	Samuelsen Carl Eli Nolsoe	2171	0 - 1	PGN
Bo.	5	Klaksvíkar Talvfelag 2	Rtg	-	4	Havnar Telvingarfelag 2	Rtg	3 : 1	PGN
3.1		Baldursson Rani	2012	-		Mortensen Rogvi	1993	0 - 1	PGN
3.2		Vang Finnbjorn	1994	-		Hansen Herluf	1994	1 - 0	PGN
3.3		Gaard Ingolf	1913	-		Berg Margar M.	1912	1 - 0	PGN
3.4		Olsen Rogvi Heinason	1400	-		Hannesarson Silas G.	1711	1 - 0	PGN

Hálvtannað stig er nú á muni millum oddaliðini. Líkt er til, at avgerðin verður aftur at falla í seinna sínamillum dystinum í síðsta umfari.

Kollfirðingar eru í stórum vanda at flyta úr deildini aftur, men sunnudagin er lykadystur millum Kollafjørð og Havnina B, sum heldur ikki kann kenna seg tryggan enn.

Kollafjørður - Klaksvík B

Tvey umfør eru eftir í øllum fimm deildunum í landskappingini í talvi. Spenningurin er ikki sørur í flest øllum deildum.

Alt bendir á, at Sandavágs Talvfelag fær eitt lið aftrat í bestu deildini komandi ár. Gaman í eru klaksvíkingar beint í hølunum á vágamonnum í 2. deild, men við sínum báðum liðum í 1. deild, ið ikki eru í niðurflytingarvanda, er greitt, at klaksvíksliðið í 2. deild kann ikki flyta upp.

Afturímóti tykjast vestmenningar vera í fríum falli. Tað er heilt stutt síðani, at teir telvaðu í 1. deild, nú standa teir til at falla niður í 3. deild. So lágt munnu teir ikki hava ligið fyrr. Menn enn hava teir møguleikar at verða hangandi í deildini.

Í 3. deild eru teir á eystara armi á Skálafjørðinum í harðari kapping við sundalagsmenn í Róki um uppflyting, og tað ber ikki beinari á enn so, at oddaliðini bæði bresta saman í týðandi dysti sunnudagin.

Í 4. deild eru liðini tíggju í alt. har gongur eisini lívliga fyri seg, og bara fýra stig eru frá tí fremsta til lið nummar fýra. Har kann tí framvegis alt henda, tó at bara tvey umfør eru eftir.

Í unglingadeildini hava havnardreingir verið fremstir allan vetur, og snáva teir ikki nú í spurtinum, vinna teir helst FM-heitið.

Klaksvík - Havnin A

Vestmanna - Havnin B

Kollafjørður - Sandavág

Støðan í 3. deild

Rk.	Lið	1a	1b	2a	2b	3a	3b	4a	4b	5a	5b	6a	6b	TB1	TB2
1	Kongshavnar Talvfelag 1	*	*	½		3½	3	1½	4	2½	2	3½		20,5	11
2	Talvfelagið Rókur 1	3½		*	*	0	1½	3	2	2½		3	3½	19	11
3	Tofta Talvfelag 1	½	1	4	2½	*	*	1½		4		1	2½	17	8
4	Sandavágs Talvfelag 4	2½	0	1	2	2½		*	*	1½	3	3½		16	9
5	Sandavágs Talvfelag 3	1½	2	1½		0		2½	1	*	*	1½	2	12	4
6	Kollafjarðar Talvfelag 3	½		1	½	3	1½	½		2½	2	*	*	11,5	5

9. umfar (sunnudagin 5. mars)
Rókur - Kongshavn

Toftir - Sandavágur A

Kollafjørður - Sandavágur B

Støðan í 4. deild

Rk.	Lið	1	2	3	4	5	6	7	8	9	10	TB1	TB2
1	Klaksvíkar Talvfelag 4	*		2½		3	1½	4	4	4	4	23	12
2	Vestmanna Talvfelag 2		*	1	3		4	3	4	3½	3½	22	12
3	Gøtu Talvfelag 1	1½	3	*	2½	4	3	3		4		21	12
4	Havnar Telvingarfelag 5		1	1½	*	3½	3		3	3	4	19	10
5	Talvfelagið Rókur 2	1		0	½	*		2½	3	3½	3	13,5	8
6	Klaksvíkar Talvfelag 5	2½	0	1	1		*	4	2	2½		13	7
7	Kongshavnar Talvfelag 2	0	1	1		1½	0	*	2		3	8,5	3
8	Tofta Talvfelag 2	0	0		1	1	2	2	*		2	8	3
9	Gøtu Talvfelag 2	0	½	0	1	½	1½			*	4	7,5	2
10	Talvfelagið Rókur 3	0	½		0	1		1	2	0	*	4,5	1

9. umfar (sunnudagin 5. mars)
Toftir - Gøta A

Rókur B - Klaksvík B

Rókur A - Vestmanna

Klaksvík A - Havnin

Kongshavn - Gøta B