Landsstýriskvinnan í heilsumálum vitjaði Sjúklingahotellið í Keypmannahavn

Á vitjanini hevði landsstýriskvinnan fund við Lene Juul Hallig, leiðaran á Sjúklingahotellinum. Á fundinum umrøddu tær umstøðurnar hjá teimum umleið 1.800 føroyingunum, sum árliga verða ávístir til viðgerð uttanlands, tí viðgerðin ikki er tøk í føroyska Sjúkrahúsverkinum. Meginparturin av viðgerðum uttanlands fara fram á Keypmannahavnarleiðini, har sjúklingar og teirra avvarðandi hava møguleika at búgva á Sjúklingahotellinum, meðan viðgerðin fer fram.

Eftir fundin vísti Lene Juul Hallig runt á Sjúklingahotellinum. Í hesum sambandi legði landsstýriskvinnan dent á týdningin av einum tryggum og føroyskum umhvørvi í einum annars truplum tíðarskeiði:

Landsstýriskvinnan takkaði leiðsluni og starvsfólkunum á Sjúklingahotellinum fyri teirra stóra arbeiði og góðu tænastu til føroyingar í viðgerð uttanlands.